Қазақстан Премьер-лигасының 23-турында күтпеген нәтижелер тіркелді: «Тобыл» тосыннан сүрініп, «Қайрат» бәсекелестерін қыспаққа алды, ал «Астана» ұпай жоғалтып, чемпиондық жарысқа жаңа интрига қосты, деп жазады penalty.kz.
23-турдың басты сенсациясы Қостанайда болды. Чемпиондыққа басты үміткер саналатын «Тобыл» сырт алаңда «Атыраудан» жеңіліп қалды. Бұл жеңіліс қостанайлықтардың алтынға деген мүмкіндігін күрделендіріп жіберді.
Алматылық «Қайрат» бұл жағдайды ұтымды пайдаланды. Өз алаңында өткен тартысты кездесуде олар «Ақтөбені» 1:0 есебімен жеңіп, турнирлік кестеде басты қарсыластарына қысым жасады.
Тағы бір фаворит – «Астана» – сенсациялық түрде «Елімаймен» тең ойнап (1:1), қосымша екі ұпайдан айырылды. Бұл нәтиже елордалық клубтың чемпиондық жолын қиындата түсті.
«Қайраттың» еурокубоктегі арманы
Fonteam сарапшылары тур қорытындысын талқылай келе, «Қайраттың» Чемпиондар лигасындағы дебютіне де тоқталды. Алматылық клуб тұңғыш рет топтық кезеңге жолдама алғаннан кейін, жанкүйерлер арасында басты сұрақ туындады: «Қайрат» қанша ұпай жинай алады және қай клубтарды жеңуі мүмкін?
Естеріңізге сала кетейік, “Ақтөбеге” қарсы ойында алматылық клубтың қақпашысы күтпеген жерден жарақат алды. Темірлан Анарбеков допқа талас кезінде жағын сындырып алды.
Сарапшылардың пікірінше, «Қайраттың» жанкүйерлерін қуантатындай мүмкіндік бар. Әсіресе, өз алаңындағы матчтарда ұпай қоржынға түсуі әбден мүмкін.
Айта кетейік
23-турдан кейінгі турнирлік интрига бұрынғыдан да қыза түсті. «Тобылдың» сүрінуі мен «Астананың» тең ойыны чемпиондық жарысты жаңа деңгейге шығарды. Ал «Қайрат» екі майданда – ел чемпионатында да, Еуропа алаңдарында да – тарихи сәтке қадам басып тұр.
Фото: Vesti.kz.
