«Қазір ештеңе белгісіз. «Тобыл», «Астана» мен «Қайрат» — осы үш команда чемпиондық үшін таласады.
Қостанайлықтардың жағдайы жаман емес. Чемпионатта екі-ақ рет жеңілді. Олар да таласқа түсіп, барын салады деп ойлаймын. Бұл жерде негізгі фавориттердің өзара кездесулері шешуші маңызға ие болады – «Астана» — «Тобыл», «Қайрат» — «Астана» сияқты бәсекелерді айтып тұрмыз. Мұндай матчтарды 6 ұпай үшін шайқас дейді. Кімнің шамасы қаншалықты, міне осындай кезде білінеді. Ал дәл қазір мүмкіндік осы командалардың барлығында да бірдей. Чемпионаттың соңына қарай осы аталған үш ұжымның арасында өзара шайқас болады. Ал «Ордабасы» көшбасшы топқа жете алмайды. Оларға тек сол Кубок секілді сайыстарда бақ сынау керек болады», — деді Б. Есмағамбетов «Аладоп.кз» сайтына.
ҚПЛ-дің 18-турынан кейін «Астана» мен «Қайрат» бірінші-екінші орынды еншілеуде. Үздік үштікті «Тобыл» түйіндеп тұр.
