2024 жылдың 2 желтоқсанында Қазақстан футбол федерациясы Сайлау комитетінің отырысы өтті, деп жазады 1bol.kz.
Отырыс қорытындысы бойынша КФФ Сайлау комитеті КФФ мүшелері ұсынған Қазақстан футбол федерациясы президенттігіне үміткерлерді тіркеу туралы шешім қабылдады.
Осылайша, КФФ президенттігіне тіркелген үміткерлердің алдын ала тізімі келесідей:
– Даумов Алтай Алмасұлы, «Алматы облысының футбол қауымдастығы» ЗТБ атынан;
– Жамантаев Ерлан Айтпайұлы, «Жеке футбол мектептері мен академияларының республикалық лигасы» ЗТБ атынан;
– Қайыров Ербол Қыдырбекұлы, «Ақмола облысының футбол қауымдастығы» ЗТБ атынан;
– Лория Давид Григорьевич, «Қарағанды облысының футбол қауымдастығы» ЗТБ атынан;
– Мағау Наргис Ерланқызы, «Para Football League» ҚБ атынан;
– Омаров Марат Талғатұлы, «Астана қаласының футбол федерациясы» қауымдастығы ЗТБ атынан.
Барлығы КФФ мүшелерінен 6 үміткер ұсынылды.
Фото: ҚФФ.
