Қазақстан футбол федерациясының (ҚФФ) Лицензиялау департаменті Атыраудағы «Мұнайшы» және Ақтаудағы «Жас Қанат» стадиондарында матч өткізуге тыйым салды, деп хабарлайды ASnews.kz.
Инфрақұрылымның регламент талаптарына сай келмеуіне байланысты клубтар өз алаңындағы ойындарды бейтарап алаңдарда өткізуге мәжбүр. «Атырау» қарсыластарын Түркістанда қабылдаса, «Каспий» үй ойындарын Қызылорда стадионында өткізетін болды.
Айта кетейік, ҚПЛ-дің бірінші турында «Атырау» «Ұлытаумен» кездеседі, ал «Каспий» сырт алаңда петропавлдың «Қызылжарына» қарсы ойнайды.
Фото: «Атырау» ФК және «Каспий» ФК.
