Қуанышты жаңалықты «Ақтөбе» футбол клубының баспасөз қызметі хабарлады, деп жазады penalty.kz.
«Бүгін ғана “Ақтөбе” ФК жартылай қорғаушысы Еркебұлан Сейдахмет әке атанды. Сейдахметтер отбасында атқамінер ұл дүниеге келді. Біз Еркебұланды жаңа дәрежесімен құттықтаймыз, сәби мен анасына мықты денсаулық тілейміз!», – делінген клубтың хабарламасында.
Футболшының жеке өмірі мен мансабы
Еркебұлан Сейдахмет 2023 жылдың қараша айында шаңырақ көтерген болатын. Оның таңдауы актриса Нұрсұлу Ізбасароваға түсті. Көп ұзамай Еркебұлан жарына автокөлік сыйлап, жұртшылықты таңғалдырған еді.
«Қазақтың Мессиі» атанған Еркебұланның клубтық мансабы да назар аударарлық.
- «Жетісу»
- «Тараз»
- Болгарияның «Левски»
- Ресейдің «Уфа»
- Алматының «Қайрат» клубтары.
2024 жылдың қаңтарында бес маусым ойнаған «Қайрат» клубынан ресми түрде кетіп, «Ақтөбе» сапына ауысқан болатын. Алматы құрамында ол:
- 107 матчқа қатысып,
- 8 гол соғып,
- 10 нәтижелі пас берген.
Осы кезеңде ол Қазақстан чемпионы атағын жеңіп алып, ел Кубогын да иеленді.
Фото: Vesti.kz.
