WBA Asia титулының иегері, қазақстандық кәсіпқой боксшы Балауса Мұздыман келесі жекпе-жегін қашан өткізетіні белгілі болды.
Балауса 20 желтоқсанда Астанада өтетін Fight Nights турнирі аясында рингке шығады. Оның қарсыласы ешқашан жеңіліп көрмеген үндістандық Тану Деви болады.
Сондай-ақ турнир аясында рингке Жалғас Жұмағұлов, Дамир Исмағұлов және басқа да спортшылар шығады.
Еске сала кетейік, шілде айында Балауса Мұздыман (4-0, 3 КО) Таиландта өткен бокс кешінде уақытынан бұрын жеңіске жетті. Ол тай боксшысы Джиттамат Пхомтомен (5-4, 3 КО) шеберілк байқасып, WBA Asia нұсқасында чемпиондық белдік үшін сынға түскен болатын. Екеуара кездесу алғашқы раундта аяқталып, отандасымыз тай боксшысын нокаутқа түсірді.
Фото: instagram/muzdi___
