BorodAbata.kz мәліметінше, астаналық жас қақпашы түрік командасына ауысуға жақын.
Тимурхан алты жасында отбасымен бірге Антальяға қоныс аударған. Дәл осы қалада ол футболдағы алғашқы қадамын жасады. Қазір команданы «Интер», «Ньюкасл», «Атлетико Мадрид» клубтарында ойнаған және Түркия құрамасының бұрынғы капитаны Эмре Белезоглу жаттықтырады.
«Бұл біздің отбасымыз үшін туған қаламыздай, ал Тимурды мұнда бәрі жақсы таниды», — деді оның әкесі Салих.
Жас дарынға «Трабзонспор», «Генчлербирлиги», «Башакшехир» және басқа да клубтар қызығушылық танытқан. Биыл жазда Картал Қарағандының «Шахтеріне» ауысуы мүмкін еді, алайда ол 18 жасқа толмағандықтан, трансферлік қиындықтар туындаған. Сондықтан «кеншілер» қақпашының өнерін әзірге сырттай бақылайтын болды.
Тимурхан Картал кәсіби мансабын «Чорум» клубында бастап, ақпанда Түркия кубогында дебют жасаған.
Фото: BorodAbata.kz.
