Қазақстандық ММА файтері Диас Еренғайыпов Бахрейнде өткен Brave CF 101 турнирінде азербайжандық қарсыласымен ауыр жекпе-жек өткізіп, төрешілер шешімімен жеңіске жетті, деп жазады penalty.kz.
Бахрейннің Иса қаласында өткен Brave CF 101 турнирінде Диас Еренғайыпов (17-3) Байрам Шаммадовпен (10-4) күш сынасты. Жекпе-жек аса жеңіл салмақта өтті және үш раундқа жоспарланған болатын. Көпшілік бұл айқаста Диасты айқын фаворит санады. Бірақ жекпе-жек алдын ала болжанғандай аса оңай болмады.
Үш раундқа созылған тартысты кездесу қорытындысына қатысты төрешілер қақ жарылды. Десе де 29-28, 28-29, 29-28 шешімімен жеңісті қазақстандық файтерге берді.
Бұл жеңіс Еренғайыповтың кәсіби мансабындағы 18-ші жеңісі болды. Ал оның қарсыласы Байрам Шаммадов 5-ші рет жеңілістің дәмін татты.
Фото: sportilinet.kz.
