Қазақстандық жас дзюдошы Арман Мыса Болгария астанасы Софияда өтіп жатқан жасөспірімдер арасындағы әлем чемпионатында қола медальға қол жеткізді, деп жазады 1bol.kz.
Отандасымыз 50 келіге дейінгі салмақ дәрежесінде ел намысын абыроймен қорғап, жүлдегер атанды. Қола үшін өткен белдесуде Арман венгриялық спортшы Милан Цабоны сенімді түрде жеңіп, тұғырдың үшінші сатысына көтерілді.
Айта кетейік, жасөспірімдер арасындағы әлем чемпионаты 30 тамызға дейін жалғасады. Биылғы додаға әлемнің 71 елінен 551 дзюдошы қатысып жатыр.
Фото: ҰОК.
