Ұлыбританияның Ливерпуль қаласында өтіп жатқан бокстан әлем чемпионатының жартылай финалында қазақстандық 8 боксшының қарсыластары белгілі болды.
Жекпе-жек кестесі (Қазақстан уақытымен)
12 қыркүйек
19:00. Әйелдер. 60 келі. Жартылай финал. Виктория Графеева — Ребека де Лима Сантос (Бразилия);
22:30. Әйелдер. 65 келі. Жартылай финал. Аида Әбікеева — Грэйнн Мэри Уолш (Ирландия);
23:15. Әйелдер. 80 келіден жоғары. Жартылай финал. Елдана Тәліпова — Агата Качмарска (Польша);
01:15. Ерлер. 90 келіден жоғары. Жартылай финал. Айбек Оралбай — Хулио Сезар ла Крус (Куба).
13 қыркүйек
18:00. Ерлер. 55 келі. Жартылай финал. Махмұд Сабырхан — Лю Чуан (Қытай);
22:15. Әйелдер. 51 келі. Жартылай финал. Алуа Балқыбекова — Ци Синью (Қытай);
22:45. Ерлер. 70 келі. Жартылай финал. Төрехан Сабырхан — Одель Камара (Англия);
23:15. Әйелдер. 70 келі. Жартылай финал. Наталья Богданова — Шантель Рид (Англия).
Айта кетсек, ел құрамасынан 12 қыркүйекте Назым Қызайбай (48 келі) мен Санжар Тәшкенбай (50 келі) ширек финалда сынға түседі.
Дүбірлі дода 4-14 қыркүйек аралығында Англияның Ливерпуль қаласында өтеді. Жекпе-жектер «Qazaqstan» және «Qazsport» телеарналарынан тікелей эфирде көрсетіледі.
Әлемнің әр қиырынан келген боксшылар 4-10 қыркүйек аралығында іріктеу кезеңінде бақ сынайды. Ал 12-13 қыркүйекте жартылай финалдық, 13-14 қыркүйекте финалдық бәсекелер өтеді.
Фото: ҰОК.
