Қазақстан Республикасы Туризм және спорт министрлігі 2024 жылғы спорт статистикасын жариялады.
Бұл деректер елдегі жаппай және ұйымдасқан спортпен шұғылдану деңгейін көрсетеді. Зерттеу нәтижесі бойынша қазақстандықтар таңдаған спорт түрлерінің рейтингі жасалды, деп жазады penalty.kz.
Елдегі ең танымал спорт түрі ретінде футбол танылды. Бұл ойынмен Қазақстанда 1 113 299 адам айналысады. Тағы бір қызықты жайт — футболмен шұғылданушылардың жартысынан көбі ауылдық жерлерде тұрады, бұл оның қолжетімділігі мен бұқаралық сипатын дәлелдейді.
ТОП-10 спорт түрі және қатысушылар саны
- Футбол — 1 113 299 адам Ауылдық жерде – 570 000+
- Классикалық волейбол — 767 580 адам Ауылдық жерде – 421 035
- Баскетбол — 541 819 адам Ауылдық жерде – 238 853
- Футзал — 368 349 адам Ауылдық жерде – 130 744
- Жеңіл атлетика — 347 654 адам Ауылдық жерде – 174 261
- Шахмат — 278 101 адам Ауылдық жерде – 128 243
- Үстел теннисі — 262 835 адам Ауылдық жерде – 127 416
- Дойбы — 213 490 адам Ауылдық жерде – 115 198
- Тоғызқұмалақ — 202 217 адам Ауылдық жерде – 119 302
- Қазақ күресі — 160 399 адам Ауылдық жерде – 87 030
Статистика көрсеткендей, қазақстандықтар дәстүрлі ұлттық ойындарға ғана емес, сонымен қатар заманауи спорт түрлеріне де ерекше қызығушылық танытып келеді. Бұл елде белсенді өмір салтын насихаттаудың және қолжетімді спорт инфрақұрылымын дамыту саясатының оң нәтижесі.
Министрлік не дейді?
Туризм және спорт министрлігі алдағы уақытта да жаппай спортты дамытуға, әсіресе аймақтардағы қолжетімді спорт инфрақұрылымын кеңейтуге басымдық беретінін мәлімдеді.
Фото: rb1ncm.ru.
