Қазақстанда футбол инфрақұрылымын жақсарту мақсатында ауқымды жұмыстар жүргізіліп жатыр. Бұл туралы елдің туризм және спорт министрі Ербол Мырзабосынов мәлімдеді.
Жақында ҚР Премьер-министрі Олжас Бектенов IV Ұлттық құрылтайда Мемлекет басшысы Қасым-Жомарт Тоқаев жүктеген тапсырмалардың орындалуына арналған жиын өткізді. Осы кездесуде Ербол Мырзабосынов елдегі футболды дамыту бағытында атқарылып жатқан жұмыстарға тоқталды.
Министрдің айтуынша, Қазақстанда 28 негізгі стадион жұмыс істейді. ALAN жобасы аясында 2023-2024 жылдары олардың үштен екісі (18 стадион) толық жаңартылды. Ал 2025 жылы тағы 9 стадионды жаңарту жоспарланып отыр.
Фото: Meta-raitings.kz.
