Футболдан Қазақстан құрамасының бас бапкері болған ресейлік Станислав Черчесов отставкаға кеткені белгілі.
Қазіргі таңда Қазақстан футбол федерациясы оның орнына жаңасын іздеп жатыр. Ал, аралас жекпе-жек шебері Қуат Хамитов болса қазақ футболын ешқандай бапкер құтқара алмайды деген пікірде, деп жазыпты 1bol.kz.
Айта кетейік, футболдан Қазақстан құрамасы 2024 жылы бірде-бір матчта жеңіске жетпеген. Ал, Черчесовпен бірге бірде-бір гол соға алмады. Хамитов болса мәселенің бапкерде емес екенін тұспалдады.
«Қазақстан футболына тіпті Жозе Моуринью да көмектесе алмайды. Ақымақ қана осы спорттың болашағына сеніммен қарайды», — деп жазды Хамитов Instagram желісіндегі «kzsports» парақшасына.
Қазақстандық файтер отандық футболды сынап жүргеніне бірнеше жыл болды. Оның пікірінше, мемлекет футболды қаржыландыруды тоқтатып, тек балалар спортына ғана ақша бөлуі тиіс.
Фото: instagram.com/kuat__khamitov.