Қазақстан ерлер құрамасы жүзуден Эр-Риядтағы (Сауд Арабиясы) Ислам ынтымақтастығы ойындарында күміс медальға ие болды.
ҚР ҰОК мәліметінше, спортшылар 4×100 метрге еркін стильде жүзу эстафетасында екінші орынға жайғасты.
Әділбек Мусин, Ғалымжан Балабек, Айбат Мырзамұратов, Глеб Коваленя және Даниил Черепанов жеңіс тұғырының екінші сатысына көтерілді.
Алтын медаль Түркия құрамасына бұйырды, ал Өзбекстан үздік үштікті түйіндеді.
Фото: Нұрғали Жұмағазы/ҚР ҰОК.
