Қазақстан құрамасы ауыр атлетикадан Қытайдың Цзяншань қаласында өткен Азия чемпионатында өнер көрсетуін аяқтады, деп хабарлайды ҚазАқпарат.
ҚР ҰОК мәліметінше, команда жарыс қорытындысы бойынша екі медаль жеңіп алды. Алайда бұл жолы қазақстандық ауыр атлеттер жеңіс тұғырының ең биік сатысына көтеріле алған жоқ.
73 келіге дейінгі салмақ дәрежесінде Пётр Хребтов қола медаль иеленсе, 102 келіге дейінгі салмақта әлем чемпионы Артём Антропов күміс жүлдеге қол жеткізді.
Ал Егор Шерер (89 келіге дейін) мен Любовь Ковальчук (87 келіден жоғары) жүлдеге бір қадам жетпей қалды.
Қытайдың Цзяншань қаласында өтіп жатқан ауыр атлетикадан Азия чемпионатында қазақстандық Артём Антропов (102 келі) күміс медальді жеңіп алған болатын.
Фото: ҚР ҰОК.
