Қазақ спортына бюджеттен тыс 30 миллиардтан астам теңге жұмсалды

2024 жылғы қаржылық есепке сәйкес, Sport Qory-ның жалпы табысы 32,263 млрд теңге (шамамен 63,21 миллион АҚШ доллары) болды. Бұл қаражат бірнеше негізгі көздерден түскен:

• 29 млрд теңге – қайырымдылық көмегі (негізінен «Самұрық-Қазына» АҚ арқылы),
• 1,881 млрд теңге – лотерея қызметінен түскен аударымдар,
• 1,312 млрд теңге – уақытша бос қаражатты орналастырудан түскен табыс (салықтар төленген соң)

Қайда жұмсалды: 30,7 миллиардтың бағыты

Жалпы 30,793 млрд теңге шығындалған. Оның 70 пайыздан астамы кәсіби спортты қолдауға жұмсалды:

• 21,597 млрд теңге – кәсіби клубтарға,
• 9,195 млрд теңге – дене шынықтыру мен бұқаралық спортқа.

Қор 134 өтінімді қарастырып, оның 90-ына қаржылық қолдау көрсеткен.

Клубтарға бөлінген қаражат – үздік төрттік

1. «Барыс» ХК– 8,5 млрд теңге
2. XDS Astana Team (велоспорт) – 6 млрд теңге
3. «Астана» ФК – 5,3 млрд теңге
4. «Астана» КБК – 1,8 млрд теңге

Басқа бағыттарға қаржыландыру

• Олимпиадалық спорт түрлері – 5,489 млрд теңге
• Ұлттық спорт түрлері – 1,308 млрд теңге
• Клубтардан тыс кәсіби спорт – 992,6 млн теңге
• Инклюзивті спорт – 548,7 млн теңге
• Олимпиадаға кірмейтін спорт түрлері – 477 млн теңге

(Шавкат Рахмонов пен Бибісара Асаубаева осы санатқа кіреді)

• Жабдықтау және сүйемелдеу жобалары – 197,8 млн теңге
• Бұқаралық спорт – 180,2 млн теңге

Sport Qory қалай жұмыс істейді?

Sport Qory 2012 жылдан бері жұмыс істейді. Бірақ 2020 жылдың күзіне қарай ол спорт саласындағы бюджеттен тыс қаржыны бөлудің бірыңғай операторы ретінде тағайындалды.

2021 жылдан бастап қор келесі төрт кәсіби клубты басқаруға кірісті:

1. «Барыс» ХК
2. «Астана» ФК
3. «Астана» КБК
4. Astana Qazaqstan Team (велокоманда)

Қордың есебінде соңғы жылдары өтінімдерді сүзгіден өткізу, қаражаттың мақсатты жұмсалуын бақылау және KPI енгізу жұмыстары күшейгені айтылған. Қордың басты қаржылық демеушісі – «Самұрық-Қазына» Ұлттық әл-ауқат қоры.

Фото: ашық дереккөздерден алынды.