Варшавада (Польша) әйелдер күресінен халықаралық турнир өтті. Аталмыш жарыста 76 келіде сынға түскен Рио Олимпиадасының қола жүлдегері Эльмира Сыздықова финалға жолдама алған еді. Алайда ол шешуші белдесуден бас тартты, деп жазады 1bol.kz.
Қазіргі таңда оның финалдық күрестен не себепті бас тартқаны әзірге белгісіз.Дегенмен отандасымыз бұл сайыста күміс жүлдеге ие болды.
Бұған қоса 55 келіде тағы бір жерлесіміз Зульфия Яхиярова қола жүлде еншіледі.
Айта кетейік, Эльмира Сыздықова 2016 жылғы Рио Олимпиадасында 69 келіде ел намысын қорғап, қола жүлдеге қол жеткізген. Осылайша ол әйелдер күресінен қазақ қыздары арасынан ел тарихында Олимпиада жүлдесін салған алғашқы спортшы болды. Сонымен қатар 2021, 2023 жылы екі дүркін Азия чемпионатында топ жарған.
Фото: ҰОК.
