WKF каратэден Қазақстан юниорлар мен жастар құрамасы 20-23 ақпан аралығында каратэ 1 санатындағы Фуджейрадағы турнирге қатысады, деп жазады KAZINFORM.
Қазақстан каратэ федерациясының баспасөз қызметі атап өткендей, команда осы мақсатта Түркістан облысындағы Alma-Tau тау курортында оқу-жаттығу жиынын өткізді. Бұл – Ұлттық құраманың биылғы алғашқы жаттығу жұмысы. Барлығы жиынға 34 спортшы жиналып, алдағы халықаралық жарыстарға дайындығын пысықтады.
Команданың аға жаттықтырушысы – Токио Олимпиадасының қола жүлдегері Дархан Асаділов.
Фото: Каратэ федерациясы.
Фуджейрадан кейін жас каратэшілеріміз Қазақстан чемпионаты мен ел ішіндегі рейтингтік жарыстарда сынға түседі. Осы арқылы биыл Қытайда өтетін Азия чемпионатына баратын команда жасақталады.
Фуджейра турнирі — ұзақ жылдан бері өтетін дәстүрлі жарыс. Мұнда жыл сайын кем дегенде 3 мың спортшы күш сынасады.
Фото: Каратэ федерациясы.
