Футболдан UEFA Чемпиондар лигасының іріктеу кезеңіндегі плей-офф бәсекесінің жеребесі тартылды. Алматының «Қайрат» клубы бұл кезеңге өтсе, Шотландияның «Селтик» командасымен жолығады, деп жазады 1bol.kz.
Плей-офф матчтары 19/20 және 26/27 тамыз күндері өтеді. Алғашқы кездесу Қазақстанда немесе Шотландияда болатыны кейін анықталады.
Оған дейін «Қайрат» Братиславаның «Слован» клубынан өтуі тиіс. Алғашқы ойын 6 тамыз күні Алматыда өтеді. Қарымта матч бір аптадан кейін Словакияда болады.
Ал егер өте алмаса, Еуропа лигасының плей-офф бәсекесінде Швейцарияның «Янг Бойз» (Швейцария) клубымен ойнайды.
Айта кетейік, алматылық футболшылар бірінші және екінші іріктеу кезеңінде Словенияның «Олимпия» (1:1, 2:0), Финляндияның КуПС клубтарын (0:2, 3:0) қапы қалдырды.
Фото: instagram/@f.c.kairat.
