Алайда байрақты бәсеке басталуына аздаған уақыттар қалса да, чемпионатқа қатысатын ұлттық құрама боксшылары әлі толық жасақталған жоқ. Бұл туралы ұлттық құраманың бас бапкері Қайрат Сәтжанов айтты.
«Алматы облысында әлем чемпионатына арнайы дайындық кезеңін бастадық. Бұл жиынға тек таңдаулы боксшылар шақырылды. Әр салмақ дәрежесінде 4 спортшыдан бар. 26 тамыз күні Ұлыбританияға аттанамыз. Біріншілік алдында Шеффилд қаласында бірлескен оқу-жаттығу жиыны өтеді. Оған Франция, Швеция, Норвегия, Германия, Литва, АҚШ, Косово, Филиппин, Польша, Ирландия, Үндістан құрамалары қатысады деп күтілуде. Әлем чемпионатына Қазақстан құрамасы әлі толық жасақталған жоқ. Бірнеше салмақтағы қатысушыларды осы жиында қарастырамыз», — дейді Қайрат Сәтжанов.
Айта кетейік, бұл әлем чемпионаты World Boxing ұйымдастыруымен алғаш рет өткелі жатыр. Ерлер және әйелдер құрамасынан әр салмақтан 10 боксшы бақ сынайды.
Фото: Видеодан кадр.
