Алматылықтар Чемпиондар лигасының төртінші турында «Интерге» қарсы ойынға қатысу үшін Миланға келді, деп жазады penalty.kz.
Клубтың ресми Instagram парақшасында ойыншылардың Италияға келген сәті бейнеленген суреттер жарияланды. Кадрларда футболшылардың ұшақтан түсу сәті көрсетілген.
Суреттерде команданың негізгі ойыншылары – Дастан Сәтпаев, Темірлан Анарбеков, Валерий Громыко, Еркін Тапалов және басқа да футболшылар көзге түседі.
Чемпиондар лигасының жалпы кезеңіндегі төртінші турдағы «Интер» – «Қайрат» кездесуі 6 қарашада өтеді.
Қазірге дейін алматылық команда үш ойын өткізіп, өз есебіне бір ұпай ғана жазған. Бұл нәтиже «Қайратқа» 36 клубтың ішінде 34-орынға жайғасуға мүмкіндік беріп отыр.
Фото: instagram/@f.c.kairat.
