Хоккейге Шахмұрат Мүтәліп сияқты бір басшы керек болып тұр. Алдарына қойылған мақсатқа қол жеткізе алмаған бапкерлер құрамын «оптом», әрі телефонмен қуып шығатын…
Шайбалы хоккейден Қазақстан құрамасы Олимпиада жолдамасынан үмітін үзді. Словакиядан жеңілетіні белгілі ғой. Әйтсе де, тым болмаса, овертаймда ұтылса деп едім. Жоқ. Есеп — 1:3.
Ресейді қысқы Олимпиадаға да қатыстармаса, тағы бір орын (лицензия) босайды. Бірақ екінші орын алған құрамалардың ішінде біздің хоккейшілердің көрсеткіші — бәрінен төмен. Қазақстан құрамасы «D» тобында 6 ұпай еншіледі. Шайба айырмасы — (+2).
«E» тобында екінші орын алған Франция құрамасында да — тура осындай 6 ұпай. Бірақ шайба айырмасы — (+6). Сондай-ақ «F» тобында екінші болған Норвегия хоккейшілері де алты ұпай жинады. Алайда олар да бізден үздік шықты (+3).
Нұрғазы Сасаев.
Фото: olympic.kz.
