Ауыр атлетикадан Азия чемпионатында 109 келіге дейінгі салмақ дәрежесінде ерлер арасындағы бәсеке аяқталды, деп хабарлайды 1bol.kz.
Қытайдың Жэньшэнь қаласында өткен жарыста басты фаворит саналған өзбекстандық Акбар Жураев жеңіске жетті. Ол қоссайыс қорытындысы бойынша 406 кг (жұлқа көтеру – 183 кг, серпе көтеру – 223 кг) салмақты бағындырып, алтын медаль жеңіп алды.
Жураев жеңіс жолында отандасы Шарофиддин Амриддинов (181+214=395 кг) пен Оңтүстік Корея өкілі Жанг Ён Хакты (178+212=390 кг) артта қалдырды.
Айта кету керек, Ташкент тумасы үшін бұл 2025 жылғы алғашқы жарыс болды. Бұған дейін ол Париж Олимпиадасында 102 кг салмақта сынға түсіп, күміс жүлде иеленген еді.
Акбар Жураев Азия чемпионаты мен әлем чемпионатын жастар арасында да, ересектер арасында да бірнеше рет жеңіп алған. Сонымен қатар, 2020 жылғы Токио Олимпиадасының чемпионы, 2024 жылғы Париж Олимпиадасының күміс жүлдегері.
Фото: olympic.uz.
