Бұл жетістіктен соң бас бапкерге назар аударушылар көбейген. Белгілі болғандай, Исмаиловқа қазірдің өзінде Суперлиганың екі клубынан маңызды ұсыныс түскен. Сонымен қатар Сауд Арабиясының жоғарғы дивизионында өнер көрсететін беделді клубтардың бірі де өзбекстандық маманға назар аударған. Тіпті қомақты қаржы да ұсынуға дайын көрінеді.
«Әрине, менің болашақ мансабыма қатысты түрлі ұсыныстар түсіп жатыр, бірақ менің бар назарым әлем чемпионатына дайындықта. Өзім басқаратын командамен осындай ірі турнирге қатысу мен үшін өте маңызды. U-17 арасындағы әлем чемпионаты (қараша айында өтетін) аяқталғанға дейін басқа ештеңеге көңіл бөлмеймін», – деді бапкер.
Қазіргі уақытта Өзбекстанның жастар құрамасы әлем чемпионатына қызу дайындық үстінде. Исмаиловтың айтуынша, командада іріктеу жұмыстары жүріп жатыр, ал жаттықтырушылар құрамы әр ойыншыға жеке даму бағыттарын анықтауда.
Фото: championat.asia.
