Басылым Нұралы Әліпті «нағыз күрескер» деп сипаттап, оның жекпе-жек спорт түрлеріне деген қызығушылығын ерекше атап өтеді. Дегенмен көктемгі маусымда ол негізгі құрамдағы орнын сақтап қала алмады және ротация ойыншысына айналды. Маусымның екінші жартысында Әліп көбіне Ресей кубогы аясындағы кездесулерде алаңға шықты, ал Премьер-лига матчтарында сирек көрінді. Ал күзде ол тұрақты түрде чемпионат пен кубок ойындарына қатысқан болатын.
Оның негізгі құрамнан тыс қалуына словениялық қорғаушы Ваня Дркушичтің жалға беруден мерзімінен бұрын оралуы себеп болды. Дегенмен көктемде олардың ойын тәжірибесі бірдей деңгейде болды. Соған қарамастан, соңғы матчтарда бас бапкер Дркушичке басымдық беріп келеді.
Нұралы Әліптің артықшылығы – ол алаңда легионер ретінде саналмайды. Алайда «Зениттің» легионерлер лимиті бойынша ешқандай қиындығы жоқ. Бұл жағдай, әсіресе бразилиялық Дуглас Сантос Ресей азаматтығын алғаннан кейін, одан әрі жеңілдеген.
Футболшының «Зенитпен» жасасқан келісімшарты 2028 жылдың жазының соңына дейін жарамды. Алайда қазіргі жағдайда оның клубтағы орны мен рөлі Әліптің өзін қанағаттандыра ма, ол жағы белгісіз. Егер ол тұрақты ойын практикасына мүдделі болса, жалға беру нұсқасы қарастырылуы мүмкін. Бірақ кез келген клуб оның қаржылық талаптарын қанағаттандыра алмайтыны анық, — деп түйіндейді басылым.
Фото: «Зенит» ФК.
