Сәрсенбі күні «Зенит» Ресей кубогының алғашқы матчында сырт алаңда «Ахмат» командасын 2:1 есебімен жеңді. Бұл кездесуде Нұралы Әліп алғаш рет команда капитаны ретінде алаңға шықты.
— Нұралы, жеңіс құтты болсын! Капитан ретінде грозныйлықтармен өткен матчқа қысқаша баға берсеңіз.
— Ең маңыздысы – жеңіске жеттік. Аллаға шүкір! Бізді стадионнан және экранның ар жағынан қолдаған жанкүйерлерге зор алғыс. Алғаш рет алаңға капитан болып шығып, бірден жеңіске жету – мен үшін үлкен қуаныш. Грозныйда әрқашан оңай болмайтыны белгілі – чемпионатта да, Кубокта да бізге қиынға соғады. Бүгінгі ойын соның тағы бір дәлелі. Маған сенім артқандардың бәріне алғысым шексіз. Матч алдында командаластарым да қолдау көрсетіп, жігер берді. Капитан болу – ең алдымен жауапкершілік. Бұл сенімге лайық болу керек. Тағы да баршаңызға рақмет!
— Сіз «Зенит» тарихындағы капитан атанған тұңғыш қазақстандықсыз. Бұл сізге қандай әсер сыйлады?
— Бұл – үлкен жауапкершілік. «Зенит» – беделді клуб. Осындай маңызды матчта маған сенім білдіргені үшін бас бапкер Сергей Богданович Семака мен бапкерлік құрамға алғыс айтамын.
Айта кетейік, келесі ойында «Зенит» 12 тамызда өз алаңында «Рубинмен» кездеседі. Ал «Ахмат» 13 тамызда «Оренбургпен» ойнайды.
Фото: © Вячеслав Евдокимов / ФК «Зенит».
