2024 жылғы Париж Олимпиадасының күміс жүлдегері, спорттық гимнаст Нариман Құрбанов 2028 жылы Лос-Анджелесте өтетін Олимпиада ойындарына қатысатынын ресми түрде жариялады, деп жазады 1bol.kz.
Спортшы бұл туралы өзінің Instagram парақшасында жазды:
«Естеліктерге оралу әрқашан да жылы болады, бірақ осымен біз тоқтап қалмаймыз. 2028 жылы Лос-Анджелестегі Олимпиада ойындарының алтынына күресу үшін бар күшімді салып, еңбек ететін боламын», — деп жазды Нариман.
Айта кетейік, Нариман Құрбанов 2024 жылғы Олимпиадада ат снаряды жаттығуы бойынша күміс медаль жеңіп алған болатын. Бұл жетістігі арқылы ол Қазақстан тарихында спорттық гимнастикадан Олимпиада жүлдегері атанған алғашқы спортшы болды.
Фото: ҰОК.
