«Манчестер Юнайтед» клубының аңызына айналған Рой Кин өзбек футболшысы Абдукодир Хусановқа қатысты өз ойын айтты, деп жазады 1bol.kz.
«Манситиге» биыл ғана ауысқан Хусанов клубтың негізгі ойыншысына айналып үлгерген.
«Ол өзінің дебюттік кезеңінен тез өтіп кетті. Иә, оңай болған жоқ, жаңа мемлекет, тіл үйрену керек, әріптестеріне үйренісуі керек. Бірақ, менің ойымша, ол бәріне тез бейімделеді.
Оның дебюттік ойындары өте қиын болды, бірақ ол сол қиындықтарды еңсеріп келеді. Әлі де уақыт керек. Бірақ, Хусанов “Манчестер Ситидің” ТОП ойыншысы атанарына еш күмәнім жоқ», — деді Рой Кин ITV телеарнасына берген сұхбатында.
Еске салайық, 20 жастағы өзбек футболшысы «Манчестер Ситиге» биыл қаңтарда франциялық «Ланстан» ауысты. Оны ағылшындар 40 млн еуроға сатып алды.
Фото: Getty Images.
