«Милан» қазір күрделі жағдайда. Рафаэл Леау жарақат алып, Ноа Окафор командадан кеткен соң, клубқа жаңа орталық шабуылшы ауадай қажет болып тұр, деп жазады penalty.kz.
Миландық клуб қарастырып отырған негізгі нұсқалардың бірі – «Байер» Леверкузеннің нигериялық форварды Виктор Бонифэйс. Бірақ оның жиі жарақатқа ұшырайтыны трансфердің қауіпті екенін көрсетеді. 2025 жылы Бонифэйс небәрі 12 ойында алаңға шығып, 3-ақ гол соқты. Жазғы бес жолдастық матчта 85 минут қана ойнап, жаңа маусымдағы Германия кубогында алаңға шыққан жоқ.
Жарақаттар мен мансап жолы
Бонифэйс алғашқы ауыр жарақатын 2019 жылы “Буде Глимт” сапында алып, тізе айқыш байламдарын үзді. 2020 жылы тағы да сол жарақат қайталанды. Соған қарамастан ол Бельгияның “Union SG” командасында қайта жарқырап, 2022/23 маусымында 17 гол соқты.
2023 жылы “Байерге” ауысқан соң алғашқы маусымын сәтті өткізді – 21 гол, бірақ 2024 жылдан бастап жарақаттар қайта мазалады. Қаңтарда үш ай бойы жарақатынан айықса, қарашада бұлшықет жарақатынан 12 ойынды өткізіп алды.
Сәтсіз трансфер және болашақ
Айта кетерлігі, Бонифэйс 2024 жылдың басында Сауд Арабиясына ауыса жаздады. “Әл-Наср” (Криштиану Роналду клубы) оны 70 млн еуроға алмақ болды. Бірақ келісімшарт соңғы сәтте жүзеге аспай қалды.
Фото: ашық дереккөздерден алынған.
