Дүбірлі дода Сербияның Нови-Сад қаласында өтіп жатыр, деп хабарлайды Ұлттық Олимпиада комитетінің баспасөз қызметі.
Сербияда жастар арасындағы әлем чемпионатында Қазақстан құрамасы грек-рим күресінен алғашқы жүлдесіне қол жеткізді.
Мерей Мәулетханов ұлттық құрама қоржынына алғашқы медальді салды.
— Қазақстандық балуан 72 келіге дейінгі салмақ дәрежесінде қола жүлдеге ие болды. Қола үшін өткен белдесуде отандасымыз ресейлік Данил Григорьевті айқын басымдықпен жеңді, — делінген хабарламада.
Фото: United World Wrestling.
