«Тобылдың» шабуылшысы Давид Энен Meta-ratings.kz-ке сайтына берген сұхбатында Қазақстанға көшуіне қаржылық жағдай қаншалықты әсер еткенін айтты.
«Менде кезінде қазіргі келісімшартымнан да майлы контракттар болған. Мен жақсы жағдай ұсынатын беделді клубтарда ойнадым. Бірақ, әрине, екі нұсқаның ішінен әрқашан ең тиімдісін таңдаймын.
«Тобылға» келер болсақ, мен келер кезде олар еурокубоктерге жолдама алды және жақында ғана чемпион атанған еді. Кейінірек – Суперкубок иегері болды. Сондықтан бұл да бір сынақ болды, мәселе тек ақшада емес. Бұл менің мансабымдағы ең майлы келісімшарт емес», – деді Энен.
Еске сала кетейік, Давид Энен «Тобылға» «Кортрейктан» ауысып келген. 28 жастағы тоголық ойыншы жас деңгейінде «Стандард», «Андерлехт», «Монако», «Олимпиакос» және «Эвертон» клубтарында ойнаған.
Фото: sports.kz.
