АҚШ-тың Анахайм қаласында өткен кәсіпқой бокс кешінде танымал блогер әрі боксшы Джейк Пол (12-1, 7 КО) әлемнің экс-чемпионы кіші Хулио Сезар Чавеспен (54-7-1, 34 КО) жұдырықтасып, жеңіске жетті, деп жазады 1bol.kz.
Жекпе-жек алғашқы ауыр салмақта өтіп, 10 раундқа жалғасты. Нәтижесіеде төрешілердің бір ауыз шешімімен, яғни 97-93, 98-92, 99-91 есебімен Джейк Пол басым болды.
39 жастағы мексикалық боксшы қартайғанына қарамастан рингте тың қозғалды. Дегенмен, Джейктің соққыларын жиі өткізіп, бабында емес екенін аңғартты.
Кіші Хулио Сезар Чавес орта салмақта WBC чемпионы болған (2011-2012). Оның әкесі де кәсіпқой бокс әлеміндегі аңыздардың бірі. Ол үш бірдей салмақта әлем чемпионы атанып, 1990-1993 жылдар аралығында дүниежүзілік рейтингтің көшін бастаған.
Джейк Пол болса былтыр әйгілі Майк Тайсонмен жұдырықтасып, сегіз раундтың қорытындысы бойынша жеңіске жеткен болатын.
Фото: Cris Esqueda/Golden Boy/Getty Images.
