Аса ауыр салмақтағы бұрынғы абсолютті әлем чемпионы, Халықаралық бокс даңқ залының мүшесі, аты аңызға айналған америкалық боксшы Майк Тайсон Қазақстанда жекпе-жек өткізуі мүмкін, деп жазады 1bol.kz.
Бұл туралы «Alash Pride» лигасының президенті Әлімжан Бектаев мәлімдеді.
«Біз Майк Тайсон мен аралас жекпе-жек аңызы Фёдор Емельяненко арасында кездесу ұйымдастыруды жоспарлап отырмыз. Бұл бағытта жұмыс жүргізіліп жатыр. Тайсонды шақырғымыз келетін турнир желтоқсан айына жоспарланған», — деді Әлімжан Бектаев Астанада өткен баспасөз мәслихатында.
Айта кетейік, Майк Тайсон кәсіби мансабында 50 рет жеңіске жетіп (оның ішінде 44-і нокаутпен), 7 жеңіліс тапқан. Былтыр ол америкалық блогер Джейк Полға есе жіберді.
Фото: Getty Images.
