2026 жылғы ӘЧ іріктеу кезеңіндегі алғашқы матчынан кейін Қазақстан құрамасының ойынына қатысты пікірлер көптеп айтылуда. Басты сыншылардың бірі – құраманың бұрынғы бас бапкері Магомед Адиев, деп жазады penalty.kz.
– Кеше Қазақстан құрамасы тең есепке жете ала ма еді?
– Мен тіпті екінші тайм емес, бірінші таймдағы ойынды ерекше атап өтемін. Қорғаныста жақсы жұмыс істелді. Екінші таймда біраз нашарлау көрінді. Бірақ ұпай алуға мүмкіндік болды деп есептеймін. Уэльс қандай да бір шешілмейтін тактикалық қиындықтар туғызған жоқ. Қазақстан қарсы тұра алды. Бірақ кейбір сәттер кері әсерін тигізді.
– Қазіргі құрамда ең көзге түсер шабуылшы кім?
– Қазақстан құрамасы шабуылда Чесноков пен Самородовқа сенуі керек. Бұл екеуі — қазір ең жарқын вингерлер. Олар нәтиже бере алатын ойыншылар.
– Әлиев келгеннен кейін құрама күшейді ме?
– Нәтижелерге қарасақ, бәлкім, айтарлықтай ілгерілеу байқалмайды. Құрама әлі де өтпелі кезеңде. Әлиев өз стилін енгізіп, жаңа ойыншыларға сенім артып жатыр. Бұл – әрбір жаңа бапкердің қалыпты процесі.
– Қарымта матчта Уэльске қиындық туа ма?
– Қазақстан құрамасының келесі бір-екі ойынын күту керек. Сонда нақты баға беруге болады. Бірақ оңай болмайтыны анық. Кешегі матч көрсеткендей, Қазақстан ұпай алуға қауқарлы. Өз алаңында бұл мүмкіндікті пайдалануы тиіс.
Фото: sportbox.ru.
