Қазақстан құрамасының қақпашысы Мұхаммеджан Сейсен Солтүстік Македониямен (1:1) өткен матчтан кейін әзілге толы сұхбат берді, деп жазады penalty.kz.
Еуропадағы кезекті тартысты ойыннан кейін Қазақстан құрамасының қақпашысы Мұхамеджан Сейсен өзіне тән қарапайымдылықпен және жамбылдық юмормен есте қалды. Бұл туралы match.kz Инстаграм-парақшасы хабарлады.
Ол матчтан кейін журналистер мен жанкүйерлерге жымиып тұрып былай деді:
«Мен Жамбылдың жігітімін ғой. Бізде бұл — қанымызда бар. Әкем де шапқан, атам да шапқан. Қазір қақпашылардың бәріне көлік беріп жатыр, ал маған ат сыйласа да риза болар едім!» — деп күлді Сейсен.
Естеріңізге сала кетейік, кешегі Солтүстік Македония – Қазақстан матчы күтпеген нәтижемен аяқталды. Қазақстан ұлттық құрамасы ӘЧ-2026 жылғы іріктеу кезеңіндегі кезекті ойынында 1 ұпай еншіледі.
Турнир кестесіндегі жағдай
Жеті тур қорытындысы бойынша Қазақстан құрамасы 7 ұпаймен «J» тобының төртінші сатысында орналасқан.
Солтүстік Македония 13 ұпаймен екінші орынға сырғыды. Ал Бельгия 14 ұпай жинап, көш бастап келеді.
Талғат Байсұфиновтың шәкірттері 15 қарашада Астанада Бельгия құрамасын қабылдайды.
Фото: sportnews.kz.
