Катарлық «Әл-Ахли» жұлдызды жартылай қорғаушыны екінші рет шақырды. Бірақ Модричтың «Реалдан» кеткісі жоқ, деп жазады penalty.kz.
38 жастағы ойыншының басты арманы — 2026 жылғы әлем чемпионатына қатысып, одан кейін кәсіби мансабын дәл «Реал» сапында аяқтау. Сондықтан да ол қомақты қаржыдан гөрі спорттық амбицияны жоғары қояды.
Испаниялық БАҚ мәліметінше, «Реал» мен Модрич жаңа бір жылдық келісімшартқа өте жақын. Бұл сценарий өткен маусымда да қайталанған болатын. Клуб пен ойыншының өзара түсіністігі жоғары деңгейде сақталған.
Модричтің жасы 39-ға таяп қалғанына қарамастан, ол биыл «Реал» сапында 47 матчқа қатысып, 4 гол соғып, 7 нәтижелі пас берген. Сонымен қатар, Хорватия құрамасында 8 кездесуде алаңға шықты.
Бас бапкер Карло Анчелотти хорват футболшысының тәжірибесін маңызды матчтарда жиі пайдаланады. Ал Модрич өз кезегінде тұрақты және жоғары деңгейдегі ойын көрсетіп келеді.
Катар жұлдыздарға құмар, бірақ…
Катар лигасы соңғы жылдары еуропалық жұлдыздарды тартуға талпынып келеді. Алайда Лука Модрич секілді нағыз клубтық адалдықтың үлгісі саналатын ойыншылардың шешімі басқаша. Ол әлі де «Реалды» өз үйі деп есептейді және бұл сезімді ақшаға айырбастағысы келмейді.
Алда — маңызды кездесу
Айта кетейік, 8 сәуір күні «Реал» Чемпиондар лигасының ширек финалында сырт алаңда «Арсеналмен» кездеседі. Бұл жұптың жеңімпазы жартылай финалда ПСЖ мен «Астон Вилла» арасындағы матчтың мықтысымен ойнайды.
Фото: fondoruso.ru.
