Кеше таң атысымен Грузия күрес федерациясы грек рим күресінің шебері Нугзари Цурцумияның қайтыс болғанын хабарлап, күрес жанкүйерлерін есеңкіретіп тастады, деп жазды Facebook-те Анық Көкенайұлы.
Бұқаралық ақпарат құралдарының хабарлауынша, ол үйінде өлі күйде табылған. Небәрі 27 жаста. Не болғаны әлі ресми айтылмады.
Кейбір БАҚ оның ағасы, анасы мен әкесі жақында қайтыс болған. Жақындарынан айырылған Нугзари ауыр қайғыны көтере алмаса керек 
Соңғы рет екі апта бұрын Будапештте өткен әлемдік рейтинг турниріне қатысып, қола медаль алған еді. Бүгін басталатын Испаниядағы халықаралық жарысқа қатысады деген. Бірақ, өкінішке қарай Мадридтен Нугзариды көре алмаймыз…
Нугзари Цурцумия күрес тарихына өз атын өшпестей қылып жазып кетті.
55 келіде күресіп, қатарынан 5 әлем чемпионатында медаль алды. Ең жеңіл салмақта тұрақты медаль алу екінің бірінің қолынан келмейді. 2019 жылы Астанада өткен әлем чемпионатында алтын медаль алған. Финалда біздің Қорлан Жақаншаны қапы қалдырды. Сол чемпионат Нугзари үшін спорттық мансабындағы ең керемет үлкен жеңіс болған шығар. Бір белдесуде ғана қарсыласын 8-3 есебімен жеңген. 3 белдесуді уақытынан бұрын аяқтаған.
2022-2023 жылғы әлем чемпионаттарында күміс алса, 2018, 2021 жылдары қола медаль олжалаған.
Сондай-ақ, Еуропа чемпионаттарында алған 1 күміс, 3 қоласы бар. U23 санатындағы әлем чемпионатында 2, Еуропа чемпионатында 1 алтын медальға қол жеткізген. Және 2016 жылғы жастар арасындағы әлем чемпионы
Ол 2015-2024 жылдар аралығында құрлық, әлем чемпионаттары және халықаралық 26 жарысқа қатысып, 79 белдесу өткізген. 55 белдесуде жеңсе, 24 рет жеңіліске ұшыраған….
Бұндай балуанды күрес жанкүйерлері ешқашан ұмытпайды!
