Португалиялық футбол жұлдызы Криштиану Роналдуға таңғаларлық ұсыныс жасалды. Сауд Арабиясының «Әл-Наср» клубында өнер көрсетіп жүрген шабуылшыға Марокконың әйгілі «Видад» командасы қызығушылық танытып отыр, деп жазады penalty.kz.
«Видад» Роналдудың трансферіне кірісті
Marca мәліметінше, Африканың ең танымал клубтарының бірі — «Видад» 40 жастағы Роналдумен келіссөздерді бастап кеткен. Клубтың басты артықшылығы ретінде 2025 жылдың жазында өтетін Клубтық әлем чемпионатына қатысу мүмкіндігін ұсынуы көрсетілуде. Бұл турнир Роналду үшін жаңа тарихи белес болуы мүмкін.
Роналдудың 2024/2025 маусымындағы көрсеткіші
Ағымдағы маусымда Роналду «Әл-Наср» сапында 39 матч өткізіп, 33 гол соғып, 4 нәтижелі пас берген. Бұл жаста мұндай нәтиже көрсету — футбол тарихында сирек кездесетін құбылыс.
Transfermarkt деректеріне сәйкес, футболшының нарықтық құны — 12 миллион еуро. Ал «Әл-Насрмен» жасасқан келісімі осы маусымның соңына дейін жарамды.
Роналду Африкаға өте ме?
Футбол жанкүйерлері үшін бұл жаңалық күтпеген жағдай болды. Роналду Еуропа мен Азияда ойнағаннан кейін Африка құрлығында өнер көрсетуі — оның мансабындағы жаңа және тарихи кезеңге айналуы мүмкін.
Фото: sportbox.ru.
