Атақты португалиялық шабуылшы, «Әл-Наср» футбол клубының ойыншысы Криштиану Роналду мансабындағы 925-голын соқты, дейді penalty.kz.
40 жастағы футболшы Сауд Арабиясының Про-лигасының 22-турында «Әл-Уахда» клубына қарсы өткен матчта есеп ашты. Ол екінші таймның басында флангтан келген пасты баспен бағыттап, қарсылас қақпасына гол соқты.
Бұл кездесу қасиетті Мекке қаласында өтті. Ойынның 65-минутына дейін «Әл-Наср» 1:0 есебімен алда келе жатты.
Роналдудың 2024 жылғы статистикасы
Ағымдағы маусымда 40 жастағы сұрмерген барлық турнирлерде 29 матчқа қатысып, 25 гол және 4 нәтижелі пас берді. Жұлдызды ойыншының «Әл-Наср» клубымен келісімшарты 2025 жылдың жазына дейін жалғасады.
Роналдудың нарықтық құны
Transfermarkt порталының мәліметіне сүйенсек, қазіргі уақытта футболшының нарықтық бағасы €12 миллионға тең.
Фото: sportbox.ru.
