Германияның Инцелль қаласында конькимен жүгіруден жасөспірімдер арасында өтіп жатқан әлем чемпионатында Қазақстан бір күнде екі алтын медаль иеленді, деп хабарлайды 1bol.kz.
Алдымен Варвара Глухова, Анастасия Беловодова және Кристина Шумековадан құралған әйелдер құрамасы командалық спринтте қарсыластарынан оқ бойы озып, әлем чемпионы атанды.
Ал масс-стартта 18 жастағы Вадим Чебардаков топ жарып, чемпион атанды.
Нәтижелер:
Вадим Чебардаков — 5:29.87
Кирилл Пищала — 5:30.01
Юта Фусигами — 5:30.27
Осылайша, Қазақстан үшін бұл жасөспірімдер әлем чемпионатындағы алтыншы алтын болды. Бұған дейін Кристина Шумекова жекелей жарыстарда төрт алтын және бір күміс медаль иеленген еді.
Фото: Getty Images.
