Әлеуметтік желідегі жазылушылардың бірі:
«Қалайша миллиардердің дивизионды біріктіру туралы ұсынысын қабылдамайсың?», – деп сауал қойды.
Оған Адамес:
«Себебі ол «миллионер» маған дұрыс ұсыныс жасаған жоқ», – деп жауап берді.
Айта кетейік, бұған дейін саудиялық бизнесмен Турки Аль аш-Шейх Адамеске қараша айында Әлімханұлымен жекпе-жек өткізуді ұсынған. Алайда доминикандық боксшы нақты келісім бермегендіктен, ұсыныс күшін жойған еді.
Күні кеше WBO және IBF тұжырымдары бойынша әлем чемпионы Әлімханұлы доминикандық былғары қолғап шеберінің айқастан қашып жүргенін тағы бетіне басты. Жәнібек үйректер жүзіп жүрген көлдің жағасында тұрып видео түсірген.
Ағылшын тілінде «үйрек» – duck, ал «қашу», «жалтару» деген ducking деп аударылады. Жәнібек видео арқылы былай деп үн қатты:
«WBC чемпионы Карлос Адамес, қайдасың? Жекпе-жекке шығайық! Маған өз белбеуім керек!»
Фото: Katelyn Mulcahy/Getty Images.
