Ислам Чесноков «Хартс» құрамында алғаш рет алаңға шығуға жақын, деп хабарлайды Dalasport.kz.
15 қаңтарға қараған түні Эдинбург клубы Шотландия Премьер-лигасының 17-турындағы матчта«Сент-Мирренді» қабылдайды, және дәл осы ойында қазақстандық легионер дебюті жасауы мүмкін.
«Хартс» бұл ойынға айқын фаворит ретінде келеді: букмекерлер алаң иелерінің жеңісіне 1.48 коэффициентін қойып отыр, бұл құрамды ротациялау және қосалқы құрам ойыншыларының алаңға шығу мүмкіндігін арттырады. Осы жағдайды ескерсек, Чесноков тіпті бастапқы құрамда пайда болуы бек мүмкін.
Бас бапкер Дерек Маккиннес Қазақстандық ойыншының алдағы кездесуде қатысу мүмкіндігін жоққа шығармайтынын нақты айтты:
— Мен оның қатысуын жоққа шығармаймын, бірақ кепілдік бермеймін. Мүмкіндігі жоғары, қатысады деп ойлаймын. Бірақ алда әлі бірнеше жаттығу бар, содан кейін біз онымен сөйлесіп, жағдайын көреміз, — деді ол.
«Дандиге» қарсы өткен матчта Чесноков объективті себептермен алаңға шықпады. Бірінші тайм аяқталмай тұрып, «Хартс» қиын жағдайда қалған: қақпашы Александр Шволов қақпа маңында соңғы үміт фолы үшін тікелей қызыл қағаз алды. Команда бір адамға кем ойнап, тек 1:0 есебімен жеңісті сақтауға күш салды, сондықтан қосалқы шабуылшының алаңға шығуы мүмкін болмады.
Бұл жолы Чесноковқа мүмкіндік туып, «Сент-Мирренге» қарсы ойын оның «Хартс» құрамындағы көптен күткен дебюті болуы мүмкін.
