Англияның Ливерпуль қаласында World Boxing аясында өтіп жатқан әлем чемпионатында Қазақстан құрамасынан Гүлсая Ержан (80 келі) жарыс жолын аяқтады.
Отандасымыз ширек финалда аустралиялық Есета Флинтпен шеберлік байқасты. Нәтижесінде қарсыласына есе жіберді.
Бүгін ел құрамасынан Алуа Балқыбекова (51 келі), Махмуд Сабырхан (55 келі), Төрехан Сабырхан (70 келі), Аида Әбікеева (65 келі), Виктория Графеева (60 келі), Елдана Талипова (80 келіден жоғары) жартылай финалға шықса, Нұрбек Оралбай (80 келі), Сағындық Тоғамбай (90 келі), Карина Ибрагимова (57 келі) жарыс жолын аяқтады.
Енді ел құрамасынан Бибарыс Жексен (65 келі), Айбек Оралбай (90 келіден жоғары) шаршы алаңға шығады.
Дүбірлі дода 4-14 қыркүйек аралығында Англияның Ливерпуль қаласында өтеді. Жекпе-жектер «Qazaqstan» және «Qazsport» телеарналарынан тікелей эфирде көрсетіледі.
Әлемнің әр қиырынан келген боксшылар 4-10 қыркүйек аралығында іріктеу кезеңінде сайысқа түседі. Ал 12-13 қыркүйекте жартылай болса, 13-14 қыркүйекте финалдық бәсекелер өтеді.
Фото: Қазақстан ҰОК.
