Испания ширек финалда Германиямен ойнайды, деп хабарлады Азаттық.
Грузия құрамасы алғаш қатысып жатқан Еуропа чемпионатында 1/8 финалда Испаниядан 1:4 есебімен жеңіліп, Еуро-2024 додасын аяқтады.
Матчта 18 минутында испаниялық қорғаушы Ле Норман өз қақпасына гол салып алып, Грузия алға шыққан.
Бірақ 39-минутта Испания есепті теңестіріп кетті.
Ал екінші таймда Испания құрамасы шабуылды үдетіп, Грузия қақпасына үш гол салды.
Осылайша Испания Еуро-2024 додасында қатарынан төртінші рет жеңіске жетті.
- Испания ширек финалда 5 шілдеде Германиямен кездеседі. Бұл финалға бергісіз матч болмақ.
