Халықаралық тестілеу агенттігі (ITA) өздерінің ресми сайтында грэпплингтен әлем чемпионы, қазақстандық Сәрсен Жетібаевқа қатысты мәлімдеме жасады, дейді 1bol.kz.
Сәрсен Жетібаев 2024 жылы Астанада өткен әлем чемпионатында жеңіске жеткеннен кейін WADA-ның антидопингтік ережелерін бұзды деген айып тағылып, спорттан уақытша шеттетілді.
Бірақ жарыстан кейін бекітілген регламентке сәйкес, Сәрсен допинг бақылаудан өтті. Тапсырған сынамасынан кейін қанынан тыйым салынған «Болденон» препараты табылғаны белгілі болды.
Спортшы кінәсіздігін дәлелдей алмаса, ұзақ мерзімге дисквалификация алуы мүмкін. Себебі «Болденон» – анаболикалық стероидтар қатарына жататын препарат.
Айта кетейік, бұған дейін әлем чемпионы атанған Самат Айтпанбет те допинг бақылаудан өте алмаған болатын.
Фото: Туризм және спорт министрлігі.
