Рейтингтің көшін жеңіліп көрмеген америкалық Флойд Мэйвезер (50-0, 27 КО) бастады. Екінші орынға филиппиндік Мэнни Пакьяо (62-8-3, 39 КО), ал үшінші сатыға тағы бір америкалық Бернард Хопкинс (55-8-2, 32 КО) жайғасты. Тізімге қазақстандық бокс жұлдызы Геннадий Головкин де еніп, 11-орынға ие болды.
Басылым Головкиннің жетістіктерін ерекше атап өткен:
«Кәсіби мансабында 42 жеңіс, 2 жеңіліс, 1 тең есеп (37 нокаут) тіркеген; 2006-2022 жылдар аралығында рингке шықты; орта салмақта әлем чемпионы белбеуін қатарынан 20 рет қорғап, бұл көрсеткіш бойынша Бернард Хопкинспен теңесті.
GGG 2008 жылдан 2016 жылға дейін 23 қарсыласын қатарынан нокаутқа түсіріп, нағыз нокаутшы ретінде танылды. 2018 жылы «Канело» Альвареспен өткен жекпе-жекте төрешілер шешімімен жеңіліс тапты. Дегенмен Головкин мен «Канело» арасындағы трилогияда (0-2-1) қазақстандық боксшы кемінде рет жеңіске жеткені анық.
Айта кетейік, Геннадий Головкин кәсіби мансабын 45 жекпе-жегінде нокдаунға түспей аяқтап, 350-ге жуық әуесқой кездесуінде де бірде-бір рет құламай, бокстағы ең мықты «темір иектердің» бірі ретінде тарихта қалды».
Қазір ол Қазақстан Ұлттық олимпиадалық комитетінің президенті әрі Халықаралық World Boxing ұйымының олимпиадалық комиссиясын басқарады.
Фото: ҰОК.
