10 мамырда өткен матчта «Гамбург» «Ульм» командасын 6:1 есебімен жеңіп, Бундеслигаға жолдама алды, деп жазады Аладоп.kz.
Матчта «Ульм» командасы 7-минутта есеп ашқанымен, «Гамбург” тез арада жауап қайтарып, Лудовит Рейс, Рансфорд-Йебоа Кёнигсдорффер (екі гол), Дэви Зельке, Даниэль Эфадли және қарсылас команданың ойыншысы Филипп Штромпфтің автоголымен жеңіске жетті.
Жеңістен кейін 57,000 жанкүйер алаңға жүгіріп шығып, қуаныштарын білдірді. Алайда, бұл мерекелік сәттерде 25 адам ауруханаға жеткізілді, олардың біреуі ауыр жағдайда. Жарақаттар негізінен трибуналардан секіру және адамдар арасындағы қақтығыстардан туындаған.
Клубтың уақытша бас бапкері Гамбург тумасы Мерлин Полцин, осы маусымда команданы басқаруға келіп, оларды Бундеслигаға қайта алып келді. Ол өзінің келісімшартын ұзартуға ниетті екенін білдірді.
Бұл жетістік Гамбург қаласына үлкен қуаныш сыйлады. Рипербань көшесінде мыңдаған жанкүйерлер көшеге шығып автокөліктердің үстінде билеп, отшашулар ұйымдастырды.
Сонымен қатар, «Гамбург” әйелдер командасы да өз лигасында жеңіске жетіп, бірінші дивизионға көтерілді. Осылайша бұл клуб тарихындағы ерекше қосарлы жетістік болды.
