Бүгін футзалдан Қазақстан біріншілігінде жетінші тур ойындары өтеді.
Бұл күні көш басында келе жатқан Абай облысының «Семейі» өз алаңында «Атырауды» қабылдайды. Семейлік команда әзірге бірде-бір ұпайды жоғалтқан жоқ. Алты ойынның барлығында жеңіске жетті. Атыраулық клуб алты турда 8 ұпай жинап, жетінші орында келеді.
Ал биылғы біріншілікті сәтсіз бастап 10 ұпаймен бесінші орынға табан тіреген алматылық «Қайрат» өз алаңында «Ақтөбемен» шеберлік байқасады. Ақтөбелік клуб алты турдың барлығында жеңіп, көш тізгінін қолға алған еді. Сондықтан бүгінгі кездесу алматылықтар үшін оңайға соқпайтыны анық.
Ойын күнтізбесі
16:00. «Шымкент» — «Жетісу» (Талдықорған)
17:00. «Семей» — «Атырау»
17:00. «Астана» — «Тұлпар» (Қарағанды)
18:00. «Каспий» (Ақтау) — «Аят» (Рудный)
19:00. «Қарағанды» — «Бәйтерек» (Орал)
19:00. «Қайрат» (Алматы) — «Ақтөбе».
Айта кетсек, футзалдан ел біріншілігінде биыл 12 команда бақ сынап жатыр.
Фото: Қазақстан футзал қауымдастығы
