Төрт дүркін «Формула-1» чемпионы Макс Ферстаппен жеке саяхаттарын ыңғайлы ету үшін 60 миллион доллар тұратын Dassault Falcon 8X бизнес-джетін сатып алды. Бұл әуе кемесі емес, нағыз әуедегі люкс қонақүй деуге болады, деп жазады penalty.kz.
Енді Макс Еуропадан Азияға немесе Оңтүстік Америкаға тікелей ұша алады. Осылайша уақыт, күш және жүйкесін үнемдейді. Ал бос уақытын алдағы әкелік өміріне арнайды.
Жаңа ұшақтың бағасы мен сипаттамасы
Алдын ала болжам бойынша, Dassault Falcon 8X ұшағы Ферстаппенге 50-55 миллион еуро аралығында түскен. Бұл – екінші нарықтағы бағасы, ал жаңа үлгінің құны жеке келіссөздер негізінде анықталады, себебі әрбір Falcon 8X тапсырыс бойынша жасалады.
Dassault Aviation компаниясының ресми сипаттамасына сәйкес, Falcon 8X – бизнес-класстағы ең ұзын және ең үлкен ұшақ. Оның үш қозғалтқышы мен заманауи авиациялық жүйесі ұшуды әлдеқайда қауіпсіз етеді, әсіресе теңіз үстінде және таулы аймақтарда. Жаңа ұшақ үш аймақты демалыс орындарымен, әртүрлі өлшемдегі үш асүймен, экипаж үшін бөлек бөлімдермен және кейбір конфигурацияларда душ кабинасымен жабдықталған.
Макс бір ай бұрын 13 миллион долларлық 33 метрлік яхта сатып алған болатын. Бұл яхта әйгілі Криштиану Роналдуның су көлігіне ұқсас. Яхтада 5 жолаушы каютасы бар және бір уақытта 12 адамды қабылдай алады. Шыны пластиктен жасалған корпусы оны ашық теңізде саяхаттауға өте ыңғайлы етеді.
Фото: sports.ru.
