Аустралияда теннистен өтіп жатқан United Cup турнирінде Қазақстанның бірінші ракеткасы Елена Рыбакина грек қызы Мария Скккариді ойсырата жеңіп, команданы плей-офф кезеңіне алып шықты, деп хабарлайды 1bol.kz.
Рыбакина WTA рейтингінде алтыншы тұрса, Саккари 32-сатыда келеді. Екеуінің арасындағы матч 1 сағат 24 минутқа созылып, 6:4, 6:3 есебімен қазақстандық теннисшінің жеңісімен аяқталды.
Екі сетте Рыбакина 7 рет эйс жасап, небәрі бір рет дабл-фолға жол берсе, Саккаридің еншісінде 2 эйс, 6 дабл-фол.
Еске салайық, Грекия құрамасымен кездесудің бірінші ойыны Александр Шевченко мен Стефан Циципас арасында өтіп, қазақстандық теннисші жеңіске жетті.
Осылайша, біздің құрама команда C тобында Испания мен Грекияны жеңіп, плей-офф кезеңіне жолдама алды.
Фото: WTA.
